سەقز – ڕۆژی پێنجشەممە، ڕووداوێکی کوشتن لە شاری سەقز ڕووی دا و تێیدا ژنێکی ٤٠ ساڵ بە ناوی «لەتیفە محمدزادە» کە پیشەی شۆفێری ئاژانس بوو، لەلایەن هاوسەری پێشوویەوە کوژرا.
بەپێی زانیارییەکان، ناوبراو کە زیاتر لە پێنج ساڵ بوو بە شێوەی فەرمی لە هاوسەرەکەی جیا ببوەوە، لە کاتی جێبەجێکردنی ئەرکی کارەکەی و گواستنەوەی موسافر لەلایەن هاوسەری پێشوویەوە ڕاوەدوو نراوە.
پاش دروستبوونی گرژی و توندوتیژی، بکوژ بە چەندین زەربەی چەقۆ هێرشی کردووەتە سەر و بە سەختی برینداری کردووە، کە بەهۆی قورسی برینەکانەوە گیانی لە دەست داوە.
تەرمی بێگیانی لەتیفە دواتر لە گوندی «قەرەناو»ی سەر بە شاری سەقز لەلایەن دانیشتووانی ناوچەکەوە دۆزراوەتەوە و بۆ پشکنین و توێکاری ڕەوانەی پزیشکی دادوەری کراوە.
لایەنە ئەمنییەکان ڕایانگەیاندووە کە بکوژ دوای ئەنجامدانی تاوانەکە لە شوێنی ڕووداو هەڵاتووە و هێشتا دەستبەسەر نەکراوە.
@sazmanixebatikurdistan
