ڕێکخراوی ئافرەتانی خەبات بەشداری ئەنسیە خەزعەلی، جێگری ئیبراهیم ڕەییسی سەروک کۆماری ڕژیمی ئاخوندی لە شەست و هەشتەمین کۆبوونەوەی کۆمیسیۆنی پێگەی ژن پەیوەند بە بارودۆخی بنەماڵە و ژنان لە نیۆیۆرک بە توندی مەحکووم دەکات.
لە کاتێکدا جێگری ئیبراهیم ڕەییسی بەشداری ئەم کۆبوونەوەیە دەکات کە ساڵی پار (۲۰۲۳)لانی کەم ۸۶۴ بەندکراو وێڕای ۲۶ بەندکراوی ژن لەسێدارە دراون. و هەروەها یاساکان بۆ حیجازی زۆرەملێ توندتر و سەرکوتی ژنان زۆرتر لە هەمووکاتێک پەرەی سەندووە.
کومیتەی نێونەتەوەیی دۆزینەوەی ڕاستییەکان لە دوایین ڕاپۆرتی خۆی کە پێشکەشی ئەنجومەنی مافی مرۆڤی نەتەوە یەکگرتووەکان کردووە، باس لەوە دەکات « سەرکوتی توندوتیژیانەی ڕایپەڕینەکان و هەڵاواردنی بنەڕەتی دژ بە ژنان، بۆتە هۆی پێشێلکردنی مافی مرۆڤ لەلایەن ڕژیمی ئاخوندی و دەرخەری جینایەتەکانی ڕژیمی ئاخوندی لە دژی مرۆڤایەتییە».
هەروەها لەم ڕاپۆرتەدا هاتووە« لە بەندیخانەکانی ڕژیمی ئاخوندی هەموو شێوەکانی دەستدرێژی و تەنانەت دەستدرێژی بەکۆمەڵ، وەکوو ئامرازێک بەکاردێت، تا ددانپێدانانی ناڕاست و بە زۆر لە ژنانی بەندکراو وەرگرن.
ئێمەرێکخراوی ئافرەتانی خەبات هەر شێوە بەشداری کاربەدەستانی ڕژیمی ئاخوندی لە کۆبوونەوە نێونەتەوەییەکان مەحکووم دەکەین.
ڕێکخراوی ئافرەتانی خەبات ی کوردستانی ئێران
١٣ی مارسی ٢٠٢٤
